27 سنبله 1399 - همه اخبار, سياسی

سرپرست وزارت امور خارجه عازم تاجکستان شد

سرپرست وزارت امور خارجه عازم تاجکستان شد

آریانا نیوز: محمد حنیف اتمر سرپرست وزارت امور خارجهٔ کشورمان برای یک سفر دو روزه عازم شهر دوشنبه – پایتخت جمهوری تاجکستان شد…

محمد حنیف اتمر سرپرست وزارت امور خارجهٔ جمهوری اسلامی افغانستان بنابر دعوت رسمی وزیر خارجهٔ تاجکستان، در رأس یک هیأت بلند پایهٔ دولتی برای یک سفر دو روزه ۲۷ سنبله ۱۳۹۹ عازم شهر دوشنبه – پایتخت جمهوری تاجکستان شد.

به نقل وزارت امور خارجه، از در این سفر رسمی، قرار است آقای اتمر با آقای امام علی رحمان رییس جمهوری، قاهر رسول‌زاده صدراعظم، سراج‌الدین مهرالدین وزیر خارجه، و سید مؤمن یتیم‌اوف رییس کمیتهٔ دولتی امنیت ملی تاجکستان دیدار و گفتگو کند. بحث‌ها و مذاکرات روی تقویت هرچه بیشتر روابط دو کشور در بخش‌های امنیتی و سرحدی، ترانسپورت، سرمایه‌گذاری، تجارت و ترانزیت، و انرژی متمرکز خواهند بود.

سرپرست وزارت امور خارجه را در این دیدار رسمی شماری از مقامات دولتی، والیان و اعضای پارلمان همراهی خواهند کرد.

بیشتر بخوانید  واکنش پاکستان به پلان بانک جهانی درباره راه اندازی مجدد پروژه کاسا یک هزار
همرسانی کنید!