10 عقرب 1398 - همه اخبار, سياسی, همه

رییس اجراییه حکومت وحدت ملی عازم اوزبیکستان شد

رییس اجراییه حکومت وحدت ملی عازم اوزبیکستان شد

آریانا نیوز: داکتر عبدالله عبدالله رییس اجراییه حکومت به‌منظور اشتراک در نشست سران حکومت‌های سازمان همکاری شانگهای عازم پایتخت اوزبیکستان شد…

داکترعبدالله عبدالله رییس اجراییه افغانستان پیش از چاشت روز (جمعه، ۱۰ عقرب) در رأس یک هیأت بلندرتبه‌ی دولتی به‌منظور اشتراک در هجدهمین نشست سران حکومت‌های سازمان همکاری شانگهای به تاشکند پایتخت اوزبیکستان سفر کرد.

ریاست اجراییه همچنان نوشته است، که آقای عبدالله ضمن اشتراک در نشست سران حکومت‌های سازمان شانگهای، به نماینده گی از دولت جمهوری اسلامی افغانستان در این نشست سخنرانی می‌کند.

رییس اجراییه قرار است در حاشیه‌ این نشست با صدراعظم های روسیه، اوزبیکستان، قزاقستان، قرغیزستان، تاجکستان، معاون اول رییس‌جمهوری ایران، وزیر دفاع ملی هند، سکرترجنرال سازمان همکاری شانگهای و اعضای بلندرتبه‌ی شماری از کشورها ملاقات می‌کند.

بیشتر بخوانید  گزارش اداره همآهنگی کمک های بشری ملل متحد درباره آمار نیازمندان در افغانستان
همرسانی کنید!