تصمیم نهایی حکومت اوزبیکستان درباره قطع برق صادراتی به افغانستان

تصمیم نهایی حکومت اوزبیکستان درباره قطع برق صادراتی به افغانستان

آریانا نیوز: بنابر اعلام وزیر سرمایه‌گذاری و تجارت خارجی اوزبیکستان، حکومت این کشور برق صادراتی به افغانستان را قطع نمی‌کند…

سردارامورزاکوف وزیر سرمایه‌گذاری و تجارت خارجی اوزبیکستان گفته که مقامات طالبان در سفر اخیر خویش به اوزبیکستان تعهد کردند که بدهی‌های برق آن کشور را بعد از حل چالش‌های بانکی می‌پردازند.

او گفته مقامات طالبان تعهد دادند که پس از حل چالش‌های سیستم بانکی و به رسمیت شناخته شدن حکومت طالبان از توسط جامعه جهانی، تمام بدهی‌های برق افغانستان به اوزبیکستان را پرداخت خواهند کرد.

آقای امورزاکوف گفته که کشورش برق صادراتی به افغانستان را قطع نمی‌کند.

گفتنی است که مولوی عبدالسلام حنفی معاون رییس الوزرای طالبان هفته قبل در راس یک هیئت بلند رتبه به اوزبیکستان رفته و با مقامات آن کشور روی مسایل دوجانبه از جمله همکاری‌های اقتصادی گفتگو کرده بودند.

بیشتر بخوانید  ابراز نگرانی سرمنشی سازمان ملل متحد از وضعیت حقوق بشر در افغانستان
همرسانی کنید!