- خبرگزاری آریانا نیوز - https://ariananews.co -

راه اندازی کمپاین تطبیق واکسین پولیو در 28 ولایت کشور

آریانانیوز: بنابر اعلام وزارت صحت عامه، این کمپاین در 248 ولسوالی در 28 ولایت آغاز شده و برای چهار روز ادامه می‌یابد…

وزارت صحت عامه می‌گوید که در همکاری با نهادهای صحی جهان کمپاین فرعی واکسین فلج کودکان را در 28 ولایت راه اندازی کرده است.

وزارت صحت افزوده که این کمپاین سر از روز دوشنبه (3 اسد) در 248 ولسوالی در 28 ولایت آغاز شده است.

این کمپاین در ولایت‌های جنوبی، جنوب شرقی، شرقی، شمالی، غربی و مرکزی برای چهار روز ادامه می‌یابد.

بر بنیاد اعلامیه وزارت صحت، قرار است طی چهار روز 6.7 ملیون کودک زیر سن 5 سال در 28 ولایت واکسین شوند.

گفتنی است که در سال جاری یک واقعه مثبت پولیو در ولایت پکتیکا ثبت شده است.