بخش : اخبار, امنیتی, سياسی -+ نسخه قابل چاپ

زمان انتشار : سه شنبه, 25 خرداد , 1400 لینک کوتاه خبر :

قدردانی وزير امور خارجه از حمایت اوزبیکستان از روند صلح افغانستان

محمد حنیف اتمر عصمت‌الله ایرگاشیف 550x295 - قدردانی وزير امور خارجه از حمایت اوزبیکستان از روند صلح افغانستان

آریانانیوز: وزیر امور خارجهٔ کشورمان در دیدار با نمایندۀ ویژۀ رئیس جمهور اوزبیکستان، حمایت کشورهای منطقه، به ویژه اوزبیکستان را از روند صلح در کشور مهم و ارزنده خواند...


محمد حنیف اتمر وزیر امور خارجهٔ کشور با عصمت‌الله ایرگاشیف، نمایندۀ ویژۀ رئیس جمهور اوزبیکستان ملاقات کرد.

وزير امور خارجهٔ کشور از کمک یک‌هزار کپسول آکسیجن توسط جمهوری اوزبیکستان اظهار امتنان نموده، ضمن تأکید بر همکاری‌های مشترک منطقه‌یی در راستای مبارزه با ویروس کرونا و تروریزم؛ پیرامون آخرین تحولات در روند صلح و اوضاع سیاسی – امنیتی کشور صحبت نمود.

به نقل از وزارت امور خارجه، آقای اتمر همچنان حمایت کشورهای منطقه، به ویژه اوزبیکستان را از روند صلح در کشور مهم و ارزنده خواند.

در این دیدار، نماینده ویژهٔ رئیس جمهور اوزبیکستان از ادامهٔ همکاری‌های کشور متبوعش در امر مبارزه با تروریزم و حمایت از روند صلح در کشور به وزیر امور خارجهٔ اطمینان داده، در مورد آمادگی‌های آن‌کشور برای برگزاری نشست سه‌جانبهٔ رهبران افغانستان، اوزبیکستان و پاکستان که قرار است ماه آینده در شهر تاشکند به هدف بحث در مورد روند صلح افغانستان، تقویت همکاری‌ها واتصال منطقه‌یی برگزار گردد، به تفصیل معلومات داد.

همرسانی کنید!