بخش : اخبار, سياسی -+ نسخه قابل چاپ

زمان انتشار : پنجشنبه, 24 تیر , 1400 لینک کوتاه خبر :

رییس جمهور غنی در رأس یک هیأت عالی رتبه دولتی عازم اوزبیکستان شد

اشرف غنی 1 550x295 - رییس جمهور غنی در رأس یک هیأت عالی رتبه دولتی عازم اوزبیکستان شد

آریانانیوز: دفتر مطبوعاتی ارگ ریاست جمهوری گفته که رییس جمهور به منظور اشتراک در کنفرانس بین المللی رهسپار اوزبیکستان گردید...


محمداشرف غنی رییس جمهور کشور در رأس یک هیأت عالی رتبه دولتی، صبح روز پنجشنبه (24 سرطان) عازم اوزبیکستان شد.

دفتر مطبوعاتی ارگ ریاست جمهوری گفته که آقای غنی به منظور اشتراک در کنفرانس بین المللی تحت عنوان “آسیای مرکزی و جنوبی: اتصال منطقوی، فرصت‌ها و چالش‌ها” رهسپار اوزبیکستان گردید.

آقای غنی در جریان این سفر برعلاوه اشتراک و سخنرانی در کنفرانس متذکره، با شوکت میرضیایف رییس جمهور اوزبیکستان و شماری از نماینده گان کشورهای اشتراک کننده به گونه جداگانه در مورد روابط دوستانه و دوامدار و گسترش همکاری ها در عرصه های مختلف با افغانستان در چوکات فصل جدید، بحث و تبادل نظر خواهد کرد.

قرار است که کنفرانس بین‌المللی آسیای مرکزی و جنوبی: اتصال منطقوی، فرصت‌ها و چالش‌ها از تاریخ 15 الی 16 جولای (24 و 25 سرطان) در تاشکند-اوزبیکستان برگزار گردد.

همرسانی کنید!