23 دلو 1396 - خارجی

گذرگاه سرحدی تاجکستان و اوزبیکستان بازگشایی شد

سرحدی

آریانا نیوز: گذرگاه سرحدی اندرخان و پاتار در ناحیه بیش آریق در ولایت فرغانه اوزبیکستان و هم سرحد با تاجکستان بازگشایی شد.

پیشتر این گذرگاه سرحدی به دلیل اختلافات بین تاجکستان و اوزبیکستان بسته شده بود.

در نشست‌های کمسیون مشترک بین دولتی اوزبیکستان و تاجکستان لغو محدودیت‌های بازرگانی، یکسان‌سازی تعرفه‌ها برای جابجایی کالا، ترمیم سَرَک‌های بین دولتی و تسهیل رفت و آمد اشخاص حقیقی بررسی شده است.

پیش از این رسانه‌ها راپور داده بودند که در آستانه نوروز سال جاری گذرگاه سرحدی بین شهر پنجکنت تاجکستان و سمرقند اوزبیکستان با حضور رؤسای جمهور 2 کشور افتتاح می‌شود.

انتظار می‌رود که این مراسم در شهر پنجکنت با حضور امامعلی رحمان رییس جمهور تاجکستان، شوکت میرضیایف رییس جمهور اوزبیکستان و مهمانان خارجی برگزار شود.

سرحد مشترک تاجکستان و اوزبیکستان 1332.9 هزار کیلومتر است که تا سال 2002 عیسوی در سرحد این 2 کشور 16 گذرگاه سرحدی وجود داشت.

بیشتر بخوانید  دیدار سرپرست وزارت داخله طالبان با وزیر خارجه اوزبیکستان
همرسانی کنید!