28 دلو 1396 - خارجی

کمک 100 ملیون دالری اوزبیکستان به تاجکستان

دالر

آریانا نیوز: اوزبیکستان با هدف توسعه روابط اقتصادی و تجاری 100 ملیون دالر به تاجکستان کمک مالی کرد…

در چوکات سفر رسمی قریب الوقوع شوکت میرضیایف رییس جمهور اوزبیکستان به تاجکستان سند اعطای اعتبار 100 ملیون دالری به این کشور به امضا خواهد رسید.

این مبلغ به صورت عمده از طریق یکی از بانک‌های تاجکستان در اختیار تجار و کارآفرینانی قرار داده می‌شود که با فابریکه ها و شرکت‌های دولتی و خصوصی اوزبیکستان همکاری خواهند کرد.

مبادله تجاری بین 2 کشور در سال 2017 بیش از 126 ملیون دالر بوده که 45 فیصد صادرات (57 ملیون دالر) و 55 فیصد واردات (69 ملیون دالر) می‌باشد.

سمنت، الومینیوم اولیه، میوه خشک، ابریشم، نخ و برق از مهم ترین اقلام صادراتی تاجکستان به اوزبیکستان بوده و در مقابل از این کشور انواع موتر، لوازم خانگی، کالا و مواد تعمیری وارد می‌کند.

بیشتر بخوانید  پلان خاص سازمان پیمان امنیت جمعی برای تقویت سرحد تاجکستان با افغانستان
همرسانی کنید!